Tollumba shtëpie me sherbet

Përgatitja

1. 01

   Përgatitja e sherbetit

   Në një tenxhere të thellë, përzieni 500 g sheqer me 400 ml ujë dhe vendoseni në zjarr mesatar të ziejë për 10 minuta. Shtoni 1 lugë gjelle lëng limoni, e lini të ziejë edhe 2 minuta të tjera dhe më pas e hiqni nga zjarri që të ftohet plotësisht në temperaturë ambienti.

   ◷ Nis 10 min
2. 02

   Valimi i brumit

   Në një tenxhere tjetër vlojini 250 ml ujë së bashku me 50 g gjalpë dhe 1 g kripë. Sapo uji të marrë valë dhe gjalpi të jetë shkrirë plotësisht, ulni zjarrin në nivel minimal.

3. 03

   Shtimi i miellit

   Hidhni 250 g miell dhe 10 g nishtaste misri të situr së bashku në tenxhere me lëngun e valuar. Përzieni energjikisht me një lugë druri për 2-3 minuta derisa të krijohet një brumë i kompaktësuar që shkëputet lehtë nga faqet e tenxheres.

   ◷ Nis 3 min
4. 04

   Ftohja dhe shtimi i vezëve

   Hiqeni brumin nga zjarri dhe lëreni të ftohet derisa të jetë i ngrohtë në prekje (rreth 40°C). Shtoni 4 vezët një nga një, duke e rrahur brumin mirë pas çdo veze derisa ajo të absorbhet plotësisht përpara se të shtoni tjetrën.

5. 05

   Formësimi i tollumbave

   Kalojeni brumin e homogjenizuar në një qese konike me shiringë me majë yll. Formoni tollumba me gjatësi rreth 6-8 cm dhe prejini skajet me gërshërë kuzhine të lyer lehtë me vaj direkte mbi enën ku do skuqen.

6. 06

   Skuqja në vaj

   Hidhni 500 ml vaj luledielli në një tigan të thellë dhe vendosni tollumbat kur vaji është ende pak i ngrohur. Skuqini me zjarr të ulët në mesatar derisa të marrin ngjyrë të artë uniforme dhe të skuqen mirë brenda për 10-12 minuta.

   ◷ Nis 12 min
7. 07

   Shurupimi

   Hiqni tollumbat e nxehta direkte nga vaji me një spumatore dhe zhytini menjëherë në sherbetin e ftohtë. Lërini të thithin sherbetin për 2-3 minuta, pastaj kullojini dhe shërbejini.

   ◷ Nis 3 min